Вход


Здесь должна быть Ваша реклама!
Пишите нам: [email protected]

RealMusic.ru - Музыкальный хостинг. Размещайте слушайте и скачивайте музыку в mp3 бесплатно.

RealMusic.ru - Музыкальный хостинг. Размещайте слушайте и скачивайте музыку в mp3 бесплатно.

Пользовательского поиска

Rambler's Top100
Тунсыко



Блоги. Yumshan. Поздравления на удмуртском языке

Ваша оценка:
7.0
20 Декабря • Yumshan   

Поздравления на удмуртском языке


 

Предлагаем Вашему вниманию уникальный материал, автором которого является народная поэтесса Эльвина Будина. Эти простые, наполненные добротой слова, сложенные в рифмы, помогут вам поздравить ваших любимых и близких на Удмуртском Языке.  

 

 Выль арен !

Выль арен, эшъёсы, выль арен!

Лымы кадь ик капчи мылкыдэн!

Та аре бадзым шуд сüзиськом,

Тазалык но шудбур дэмласьком

                            Эн, эн дыртэ арес вадьсаны

                           Дыртэлэ чаркадэс жутыны!

      Выль арен, эшъёсы, выль арен,
      Шудбурен но югыт нуналэн!
 

                  Выль арен зечкыласько,

Вань зечсэ мон сüзисько.
Мед пиштоз яркыт шунды,
Мед йылоз туэ шудды.
       Сüзисько капчи мылкыд,
       Тазалык семьядылы-
        Луомы чошен, эшъёс,
        Уз, уз люке дауръёс!
 
 
Мöзмонэз,вожпотонэз
Кельтомы кошкись аре.
Нош кутом ми сьöрамы
Чеберзэ но умойзэ.
Выль аре вамыштомы
Ужъёсмес ми данъяса,
Тазалык но яратон
 Ог-огмылы сüзьыса!
 

 

 

 

Выль ар йыгаське дорамы.
Я, усьты, öстэ, шумпотса.
Пыртэ со оскон сюлмамы,
Лыктэ выль шудбур вайыса.
Инмысь кизили пальпотэ-
Тыныд со сüзе яратон.
Шунды сиоссэ вöлмытэ-
Сюлме пычатэ со оскон.
Тöдьы лымы кадь ик тынад
Улон сюресэд мед луоз.
Арлэн нош коткуд нуналэз
Капчи, зеч мылкыд мед ваёз!
 
Лымы мунё но Тол Бабай
Нош вамышто ураметü.
Кылъёс шедьто меда веран-
Зечкыланы тонэ дырти.
Мед тон понна Лымы Мунё
Азвесь лымы пыры кисьтоз.
Нош Тол Бабай зечкыласа,
Трос шумпотон тыныд ваёз!
 
Выль арен зечкылан тüледыз дыртüськом,
Байлыко, шудбуро, зеч улон сüзиськом.
Кизили кадь пиштоз мед котьку яратон
Мед луоз юртады тазалык, шумпотон!
 
 

 

 

 

Татьянаослы!
 
Лымы усе лейкаса,
Татьянаез зечкыла.
Шунды потэ пальышак
Танюшаез адзыса!
Татьянаос,Танюшаос!
Туннэ тüляд нуналды.
Бен тüдедыз ик данъяса,
Быдэс музъем пыд азяды
                                 
 *  * *
Татьяна!
Тынэсьтыд нимдэ мон кылüсько ке
Сюлэмам улзе кадь выль шунды!
Азвесь гырлы кадь шуккиське со
Инбаме лобзе ни мылкыды!
 
                               
                        Татьяна!
Тон сярысь гожтüз поэт, оз чида
Кисьтüз гурзэ ни крезьгурчи!
Нош прозаез нимыд быдэс басьтüз кадь
Тонэ мон адзыса, луи öрзü!
 
Татьяна!
Вань дунне пыде азяз ни
Со синмаськем чебередлы!
Мед тон шудо луод, Татьяна,
Капчи луоз мед мылкыдыд!
 
 

 

 

 
 
Нылкышноослы
 
Нылкышно сярысь ке верасько,
Сюлэмы лöптэ,лобе дугдылытэк.
Соку нош ик кадь вордüськисько,
Лобыны мон дась бурдтэк.
Нылкышно сярысь ке малпасько,
Мон ачим зечгес кадь луисько.
Пиштысал соку шунды тылын,
 
                        Мед югыт сюрес луоз солы.
Мон туссэ азям ке пуктüсько-
Кизили доры кадь лобзисько,
Вань шат дуннеын кин ке чебер:
Сьöд сутэр синъёс, ымдур-намер.
Тü понна пиштэ яркыт шунды,
Гужем тол выллем кадь мылкыдды.
Тазалык тüлед,шудо улон,
Нош бордаз бадзым, пöсь яратон!
 
*  *  *
Гажано нылкышноос!                  
Тüледыз зечкыласьком.              
Та тулыс но нуналэ                      
Тüледлы ми с
üзиськом:               
Зарезь ву быдза шудбур,
Тазалык, шудо улон.
Пöсь шунды кадь яратон
Тüледын мед вамыштоз!
 
 
 
Анайёслы
Анае, мон тыныд сüзисько
Трос аръёс но тросгес шумпотон.
Тазалык но югыт нуналъёс-
Мед кошкоз кыдёке лек мöзмон.
 
*  *  *
 
Мусо анай, тонэ зечкыласько!
Котьку но лу егит, котьку мусо.
Нылпиосыд дорад мед вуозы,
Тылси кадь улонад мед пиштозы! 
 
 
                   * * *
 
 Анае сярысь ке малпасько,
Мон соку пичи кадь луисько.
Туж небыт солэн ук киосыз,
Чечы кадь солэн ук кылъёсыз!
 
Сüзисько тыныд, мусо анай,
Шундыё нунал, чылкыт инбам!
Тон понна учы мед кырзалоз,
Котькуд нуналыд шудо луоз!
 
 
 
                     Вордüськем нуналэныд
Буд на буд, пичи нылы,
Кузьмало сяська-
Милемыз паймытыса-
Тüнь кыче кырза!
Палэнтüд пеймыт нунал
Мед котьку кошкоз.
Шумпотон гинэ тыныд
Мед улон ваёз.
* * *
Та синпельме кияд кутüд ке,
Тодад ваёд оло монэ.
Синучконэ чукна учкид ке,
Вормод шат тон пальпотондэ?
Та нуналэ весь тон понна
Пиштэ шунды чик жадьытэк.
Вордüськемдэ кадь шöдыса,
Чирдэ учы дугдылытэк.                   
*  *  *              
Тани туннэ
Тыныд ……….. тырме.
Тон аръёстэ лыдъяд
Туннэ, эше, юнме.
Сыче ик тон чебер,
Сыче ик тон йöно-
Юнме шат котькинъёс
Тыныд весь синмасько.
Лыз синъёсыд шудо,
Чыжыт тынад бамыд.
Зечкыласьком тонэ
Вордскем нуналэныд!
 
 
 
Тонэ туж гажаса дорад вуи,
Тонэ зечкыланы сокем дыртü.
Возь выл сяська кадь тон туннэ пушъйид,
Котьку сямен ик пальпотüд.
Тыныд чирдэ туннэ
Садын учы.
Туж вылüын, инмын
Пиштэ яркыт   кизилимы.
Пиштэ со тон понна гинэ!
Зечкыласько тонэ мон, гажанэ!
* * *
Кöня арес тыныд, ум юалэ туннэ
Сяська ваём ми италмас кадьзэ.
Мед жингыртоз шулдыр кырзан,
Шунды пиштоз мед тон палан.
 * * *
Вордскем нунал араз огпол луэ
Но котьку ик аръёс милем йылтэ.
Аръёс - со узырмы гинэ,
Пурысь йырси- азвесь.
                       Кин вань меда бен тынэсьтыд но узыргес?
Котьку но лу сыче ик мылкыдо,
Чебер тусо, капчи сямо.
Вожъяськисез - мед вожъяськоз,
Яратüсез - мед яратоз!
                         * * *
Зечкыласьком вордскем нуналэныд
Ми сизиськом шудбур но тазалык
Мед кошкозы палэнэти шуг- секытъёс,
Мед луозы эшъёс но вормонъёс!
           
 
 
Сюанэн!
 
Сюанэн тüледыз, егитъёс,
Шундыё мед луоз нуналды.
Улонын италмас сяськаос кадь
Мед буй-буй но чебер пушъёды.
Шунды кадь ик чилясь зундэсъёс
Улондэс юн гердэн герзало.
Тазалык но шудбур сизьыса,
Чаркаме тü понна жутüсько  
* * *
Гажано егитъёс,мусоесь кузпалъёс!
Тüледлы сизüськом шумпотон.
Выль семья пушкады, сюлмады, визьмады
 
- 14 -
 
Мед луоз пыраклы яратон!
Улонды мед луоз туж узыр, байлыко,
Коркады нош котьку жöк тыро, нылпиё.
Пересьсэ гажаса, бускельдэс валаса,
Улэ сю ар пала ог-огдэс яратса.
 
* * *
Тü туннэ улондэс герзады,
Тü семья табере луиды.
Улон пыр яратон мылкыдды
Мед луоз, эшъёсы, бордады.
Тазалык, шумпотон но шудбур
Сюлмысьтым тüледлы сизüсько.
Коркады мед вöлмоз шулдыр гур
Ог-огдэс чупаны курисько!
 
 
 
Яратон.
 
Курисько монэ валан валэктытэк
Валаны озьы гинэ, чик кылъёстэк.
Яратон юнме овол кылдэм
Трос мултэс кылъёс овол кулэ.
 
           * * *
Синпель туннэ мон кузьмало
Яратэмме возьматыса
Мон сюлэмме тыныд усьто
 Тон пумита котьку пальпотыса.
Эн ышы, лу котьку бордам.
Сыче малпан берга йырам.
Мон висиько тонэн гинэ
 Дуно, мусо мынам эше.
     * * *
 Яратэмме тыныд мон сяська пыр усьто
 Вазь тулысэн кечсин мон кузьмало.
 Сюлэмыстьым посьсэ но югытсэ
 Чик жалятэк сето тыныд гинэ.
     * * *
 Омыр кадь тон мыным луид.
 Небыт кияд киме кутид.
 Чагыр синмад монэ выйтид.
   Тон сюлэмме сьорад нуид.
   Тау тыныд, дуно эше,
   Тонэн луи мон чебергес.
   Тонэн луи мон визьмогес
   Тау тыныд, дуно эше!
 
 
 

 

Воргоронъёслы
Воргоронъёс!
Кызьы тüтэк улод?
Тü-атайёс,ожмаськисьёс.
Тüтэк лусал дыр туж урод.
Бен тüледлы, воргоронъёс,
Ми сüзиськом бадзым кужым.
Ми тü понна сюлмаськиськом,
Котьку вылын возе йырдэс-
Ми тüледыз яратüськом.
Зечкыласьком та нуналэн
Ми тüледыз, воргоронъёс,
Тü котьку луэ шудоесь,
Тü йöноэсь,тü тазаесь
                       Тü паймымон адямиос.
Мед тупаса улон луоз.
                      Юн тазалык но шумпотон
Котьку мед тüледын луоз!
 
*  *  *
Кужым ке тüлед сизьыны,
Озьы но тü юн кужмоесь.
Шуом, мед таза луоды,
Озьы но бен тü йöноесь.
Сüзём ми тüлед яратон,
Зарезь кадь бадзым шумпотон,
Бордаз андан кадь тазалык,

                     Нунал шундыё но байлык!

 

Здесь можно скачать бесплатно музыку новинки и наслаждаться.



Комментарии

 Имя
 E-mail
Сообщение:

Отправить 
Всего 2 стр •
   
1
Гость   23/02/17 18:31:47
2
Гость   23/06/16 22:00:27
3
Гость   28/04/15 19:59:39
тау та сайтлы

4
надежда   28/02/15 09:08:42
Тани нош пыри зечкыланъестэс учкыны одно ик тау кареме потиз
5
надежда   06/01/15 10:40:56
Бадзым тау, тиляд кылъесыныды зечкылай бадзым апайме но уж дорысь чош ужан эшме но
6
раиса   08/12/13 01:36:28
тау бадзым туж шумпотисько удмурт калык понна
7
раиса   08/12/13 01:35:36
тау бадзым туж шумпотисько удмурт калык понна
8
Гость   11/02/13 17:39:58
Туж кельшизы зечкыланъёс. Трос дыдъя ук окмо тачэ кылбуръёс.
9
Гость   11/02/13 17:35:05
Гость   23/12/16 20:09:13
Гость   23/12/16 20:09:30
10
Гость   23/12/11 22:51:21
Туж бадзым тау тилед, Эльвина . Туж кулэ таче материал. Нырисьсе адзи ай.