Вход


Здесь должна быть Ваша реклама!
Пишите нам: promo@yumshan.ru

RealMusic.ru - Музыкальный хостинг. Размещайте слушайте и скачивайте музыку в mp3 бесплатно.

RealMusic.ru - Музыкальный хостинг. Размещайте слушайте и скачивайте музыку в mp3 бесплатно.

Пользовательского поиска

Rambler's Top100
Тунсыко



Promo. . До того жаль потэ....

Ваша оценка:
10.0
01 Апреля •    

До того жаль потэ....


Yumshan Promo официально объявляет о закрытии Удмуртского Молодежного Театра "О:"

Сентябрь 2009 года.

Кемалась ик овол шаерысьтымы егитъёс кошкизы Москвае Щепкин нимо училищеын тодон-валанъёс люканы. Ог коня ке ар ортчыса, дорамы берытскозы зэмос артистъёс. Нош кинлы шуд оз усьы Москваын дышетскыны, куректыны кулэ овол. Юмшан Промо огазеяськон но Удмурт театр огкыл кутизы егитъёслэсь театрзэс кылдытон пумысен. Театре пыриськыны быгатоз котькудиз мылкыд карись. Нырысети пумиськонэ ветлизы Юмшан Промоен эшъяськись егитъёс, удмурт филологи факультетын дышетскисьёс. Тодматскон но аспортэмлыко радъямын вал. Кылсярысь, Удмурт кун университетлэн 3-ти номеро огъяулонниысь нылашъёс пичи сценка возьматизы. Пыриськизы ньыль кузя. Одигез гуртысь вуэ нырысети курсэ дышетскыны, сое улыны пырто бадзым курсъёсысь нылъёс доры. Соос куспын пичи ченгешон кылдэ. Малы нош та нылэз куинь нылъёс дорын улыны косо? Азьвыл веразы вал – висъетсы куинь муртлы гинэ чакламын. Соин колан интызы но тырмыт уз лу. Гуртысь вуэм нылаш кепыра ке но, аслэсьтыз малпанъёссэ шараяны уг кышка выль эшъёсызлы, сумкаяз ваем сиёнэныз куноятыны выре, «мыным жаль овол» шуэ. Нош соосыз вылтияськемзэс возьмато, кылэм но уг каро. Таче конфликт кылдэ малпамтэ шорысь. Сценка азьланьтиськемъя, егитъёс асьсэос малпало, мар вераны, кызьы югдурысь потыны. Котькудиз аслэсьтыз артист но режиссёр ласянь быгатонлыкъёссэ шарая. Возьматон бере люкаськемъёс кенешо, дунъет сёто. Театрын шудыны мылкыд карисьёслы валтись курон – одно ик быгатоно удмурт кылын вераськыны. Нырысети пумиськонэ лыктэмъёс полын анай кылзэс ваньзы валало, нош куд-огез школаын дышетэмын овол, эшъёсыныз но зучен верасько. Павел Поздеев шуэ: «Котькуд возьматон, сценка луоз удмурт кылын, соин егит артистъёслы рос-прос ужано луоз кылэз волятон бордын». Егитъёслэн театразы ветлисьёс доры вуылозы лулчеберет удысын тыршись тодмо адямиос. Соос вераськозы туала кино, литература, театр, дизайн но мукет оръёс сярысь. Нырысети пумиськонэ отемын вал «Мынам Удмуртие» радиоын тыршись крезьгуръя режиссёр – Леонид Гусев. Павел Поздеев та адями сярысь шуэ: «Тамак кыскон куспын гинэ но оломар но вераса вуттэ. Чошен кема ик ум ужаське на, нош сомында выльзэ тоди ни та дыр куспын. Со улонысь портэм учыръёсын тодматэ, туж тунсыко адями». Леонид Гусев трос аръёс чоже театрын тыршиз бере, артистъёслэн улонысьтызы паймымонзэ но серемзэ мадиз, портэм писательёсты тодаз ваиз. Собере эскериз егитъёслэсь лыдзиськыны быгатэмзэс, кылбур чуръёсты шодемзэс. Котькудиз “артист” кылбур лыдзиз. Нош Леонид Гусев дунъяз – шонер а ударение пукто, вис каро, кылъёсты верало. Егитъёслэн театразы онерчиос саклык висъялозы сценаын ужанлы. Дышетозы шонер вераськыны но астэ учкисьёс азьын возьыны. Нош азьпалан егитъёсты возьма бадзым уж. Чошен лэсьтозы удмурт егитъёс сярысь кинофильм. Али трос пумо сериалъёс учкыны луэ портэм каналъёсысь студентъёс сярысь. Удмурт фильм пуктыны сценарий гожтон бордын тырше ни Ижкарысь одигез КВН команда. Театре ветлисьёс асьсэос но пыриськыны быгато та уже, юрттозы котькуд мылкыд карисьлэн малпанъёсыз. Театрлэн ужаз пыриськыны мылкыд карисьёс луозы на, шуо удмурт филологи факультетын дышетскисьёс. Нырысети курсысь студент Анастасия Петрова валэктэ: «Вуоно пумиськонэ эшъёсме чорто. Туннэ соос монэ “на разведку” лэзизы – учкыны кыче та ужрад, кинъёс лыктозы. Собере шуизы, вералод пе ваньзэ. Милемын дышетскись пиос но лыктозы, дыр». ЕЛЕНА ФРОЛОВА.


Ноябрь 2009 года.

"Cool On. Яратон. Улон." Таче нимын театр сцена вылын удмурт егитъёс аспортэмлыко программа дасяло. Туэ сизьыл удмурт элькунысь йоскалык театр юртын егитъёслэн труппазы ужзэ мытиз. Пичи театрез "Юмшан промо" огазеяськон радъяз. Туннэ нуналлы татчы 15-лэсь трос студентъёс пырисько.

Егитъёс шоры учкыса шуак валаны но уг луы мар соос даурто. Сцена вылын огшоры сценка овол. Котькуд кыл, вырос — малпаськытэ, пушдуннеез бугыртэ. Та аспортэмлыко возьматонын кылбурлэн авторез Надя Николаева. Валтись героез нылаш ачиз ик шудэ. Та кылбурез нылаш лек малпанъёсыз бергаку гожтэм. Соин ик возьматон но нырысь ик кышкан мылкыдэз пуромытэ.

НАДЯ НИКОЛАЕВА УДМУРТ КУН УНИВЕРСИТЕТЫН ДЫШЕТСКИСЬ:
"Луэ вераны суд над человеком, одиг адямиез ултияло и котыр адямиос — кудъёсыз ултияло сое но собере со ваньмыз умоен быроз."

Егитъеслэн театразы портэм егитъес вуо. Юля Сунцова 5-ти курсын дышетске. Малпанъёсаз — диплом но уж быръён. Татын нылаш шутэтске.

ЮЛЯ СУНЦОВА ЭЛЬКУНЫСЬТЫМЫ ГУРТ УДЫСЪЯ АКАДЕМИЫН ДЫШЕТСКИСЬ:
"Туж кельше, нуназе дышетскиськод, жытсэ творческой карем потэ, эктэме, кырзаме, татчы лыктиськод и шутэтскон кадь ик со луэ."

Пичи театре 15 пала егитъёс пырисько. Полазы студентъёс гинэ овол, ужасьёс но вань. Театрлэсь ужзэ радъясьес — "Юмшан промо" огазеяськон но удмурт театр — возьмало мукет мылкыд карисьесты но.

АНДРЕЙ УРАСЬКИН УДМУРТ ЙОСКАЛЫК ТЕАТРЛЭН КИВАЛТИСЕЗ:
"Со туж тунсыко луоз, медаз луы со национальной театр кадь, мукет калык театръёс кадь, кыче ке мукет стереотипъёсыз басьтыса удмурт кылэ перевести медаз каре соос, соослэн асьсэ шомзы мед луоз."

Али та егит артистъёс туала удмурт культуралы сизем "Арт-Э" фестивальлы дасясько. Туэ со нырысьсэ ортчоз но Эрик Батуевлэсь — тодмо удмурт журналистлэсь — нимзэ нуллоз. Егитъеслэсь порамзэс адзыны луоз фестивальлэн одигаз нуналаз — 15 шуркыномонэ элькунысь удмурт йоскалык театрлэн сцена вылаз.

Вероника Ваулина, Василий Хохряков "Мынам Удмуртие" телеканал.

 


Декабрь 2009 г.

 

Театр «О:» возьматэ…

«Соос шудозы тћляд лулсэръёсыныды, озьы, тћляд пушкады секыт мед луоз, тћляд султыса кошкемды мед потоз… нош тћ, кылћды ке, тћ адњоды… Кызьы ми кулонэн шудћськом, улонлэсь дунзэ умойгес валан понна, кызьы ми яратонэн шудћськом, кытын алдаськон но кытын зэмлык валан понна … Ми шудћськом – ми улћськом!!!»
Тазьы кутскиз Егитъёслэн театрзылэн нырысетћ удмурт арт-фестивальын представленизы… Собере вал учкисьёсын шудон, пичиесь сценкаос, кылбуръёс… Егитъёслэн синъёссы љуало, сюлмазы вылћ малпан улэ… Соос улонэн шудо…
Учкиськод ваньмыз шоры но паймиськод… Егитъёслэн театрзы кќня ке толэзь гинэ ужа ке но, татчы ветлћсь пиналъёс сое вань сюлмысьтызы яратћзы ни.
«Туж вакчи дыр куспын театр мынам кыкетћ доре луиз ни. Со мыным таџе ик кулэ, университет кадь. Татчы лыктћсько но выжыкылэ вуисько кадь. Татын пќртэм маскаосты дћсяны луэ, пќртэм геройёслы пќрмыны… Татчы ветлћсь егитъёс мыным кыкетћ семья луизы, мон соосты яратћсько… Но ваньмыз та ќз луысал, Паша Поздеев милемыз ќз бичасал ке… Соин ик бадњым тау солы… » – тазьы вера Настя Петрова, УдГУ-ысь удмурт филология факультетын дышетскись.
Зэм но, выль эшъяськон, выль геройёс, чебер выль театр, тунсыко режиссёр… Режиссёрлэн ужамезлэсь ваньмыз кылдэ… Татын ужа чеберлыкез, туала искусствоез умой валась режиссёр Павел Поздеев.
Солы мон кќня ке юанъёсын вазиськи.

- Паша, кызьы кылдиз малпан егитъёслэн театрзы сярысь?

- А нош кызьыы тынад йырад лыктэ материал гожтон сярысь малпан? Татын но озьы ик луиз… Театр вости ортчыкум, адзи трос пересь адямиосты, кудъёсыз отчы спектакль учкыны мыно вал, но егитъёслы театр сярысь малпан йырам лыктиз…

- Малы со кулэ адямиослы, кыче цель пуктиськоды?

- Ми удмурт обществоез, средаез активизировать кариськомы.

- Ма сярысь малпад, куке нырысьсэ адзид егитъёсты, кудъёсыз театре лыктизы?

- Ярам, кин ке но лыктиз … (Серекъя)

- Нош нырысети выступление дыръя?

- Земзэ вераса, мон переживать кари… Йырам таче малпанъёс вал: «Мусоосы, эн курдалэ, ваньзэ умой лэсьтэ…» Но оски, соослэн ваньмыз пормоз шуыса.
- Кыче артист луыны кулэ?

- Со ваньмыныз выленыз тунсыкъяськыны кулэ, ваньзэ выльзэ аслыз басьтыны, но ожытак фантазиез но воображениез луыны кулэ.

- Маин ужед тыныд кельше?

- Туннэ уже мыным кулэ, адямилы сиён кадь ик… Мон сотэк уг быгатиськы ни. Уж сиён кадь ик, ческыт ке но уг луы, но сотэк улыны уг пормы…

Алексей Шкляев: «Меня сначала удивило появление театра О:. зачем это нужно, вроде театр это что-то не очень актуальное сегодня. в то же время по отношению к остальным экспериментам Паши это выход на новый уровень, попытка институтционализации, стремление делать что-то более основательное.
Театр это именно то место, где максимально может раскрыться режиссер, это пространство напряженной работы, откуда благодаря особой энергетической и творческой работе может появиться большое количество удмуртских инициатив.»

Театр ужа, татын ас улон, ас омыр… Кильтрес нылъёс туала эктонъёсты дышето, зэмос артистъёс мастер-классъёс ортчыто, режиссёръёс кинооссэс возьмато… Алексей Ложкин, Лев Вахитов, Леонид Гусев… Таџе адямиосын ужало егитъёс…
Егит дыр – шудо дыр! Театр кутске гинэ ай ас нырысетћ вамышъёссэ лэсьтыны… Егитъёс ужало, искусство дунне соослы кельше… Соос љуатозы ас кизилизэс!!!


Театр "Ö": Cool On

POzdeeff | Видео на MySpace


Апрель 2010 года. 

Yumshan Promo официально объявляет о закрытии следующих своих проектов:

Лавка Удмуртских Вещей "Чеберисто" и Куараоке-бар http://vkontakte.ru/events.php?act=s&gid=11926656

Удмуртский Молодежный Театр "О:" http://vkontakte.ru/events.php?act=s&gid=11834098

Приносим свои извинения за неоправданные надежды.

 

Решили создать в интернете свое представительство. Очень кстати создание сайтов в студии дизайна ИнКлаудс. Рекомендуем.

Комментарии

 Имя
 E-mail
Сообщение:

Отправить 
1
Yumshan   03/12/09 00:28:17
Опубликован видеоклип "РЕПЕТИЦИЯ" Удмуртского Молодежного Театра "О:"
2
valery   29/10/09 11:44:58
лыдзыны таче синтаксисэс - куашкалод!
кин тиледыз дышетиз, со - провокатор, кудиз мон, пе, тодосчи....
сион сэрен трос калык уг лыдзиськы ни.
тодско, МАЕ верасько.
Yumshan   29/10/09 12:37:17
Вы правы, "COOL ON" - это провокация, как собственно практически все, что делает Yumshan Promo.
"Провокацию" мы вообще выводим в ранг промо-технологии.

По нашему замыслу, игровая языковая конструкция "COOL ON" в названии театрализованной программы должна подчеркнуть мысль об игровом отношении Молодого Человека к Смерти , поняв которую через игру, лучше понимаешь Реальную Ценность Жизни.
3
Yumshan   27/10/09 16:21:00
"Cool On. Яратон. Улон." Таче нимын театр сцена вылын удмурт егитъёс аспортэмлыко программа дасяло. Туэ сизьыл удмурт элькунысь йоскалык театр юртын егитъёслэн труппазы ужзэ мытиз. Пичи театрез "Юмшан промо" огазеяськон радъяз. Туннэ нуналлы татчы 15-лэсь трос студентъёс пырисько.
Далее...
4
Yumshan   26/09/09 20:54:41
Главное. Сентябрь 2009 года. Усьтиськиз удмурт егитъёслэн театрзы.