Вход


Здесь должна быть Ваша реклама!
Пишите нам: promo@yumshan.ru

RealMusic.ru - Музыкальный хостинг. Размещайте слушайте и скачивайте музыку в mp3 бесплатно.

RealMusic.ru - Музыкальный хостинг. Размещайте слушайте и скачивайте музыку в mp3 бесплатно.

Пользовательского поиска

Rambler's Top100
Тунсыко



Календарь. . ТОЛСУР (Декабрь)

Ваша оценка:
1.0
01 Декабря •    

ТОЛСУР (Декабрь)


ТОЛСУР (ДЕКАБРЬ)

1-ти толсур

СПИД-лы пумит нюръяськон нунал. Та нуналэз нырысьсэ пусйизы 1988 арын. Портэм шаеръёсысь тодосчиос тыршо кышкыт черлэсь эмъюм кылдытыны. Али ке но вирусэз аналтись амал шедьтэмын овол. Туннэ нуналлы врачъёс верало – черен нюръяськыны 15-лэсь трос эмъюмъёс вань ик, соос висисьлэсь улонзэ коня ке дырлы утьыны юртто. Но эмъюмъёс дуно сыло. ООН-лэн ивортэмезъя, дуннеын 44 миллион пала ВИЧ черен курадзисьёс пусъемын. Та висёнэн сэрен 20 миллионлэсь трос адями улонысь кошкиз ни. Арлы быдэ статистикалэн лыдпусъёсыз 14 сюрслы вылие жутисько. Нош Россиын нуналлы быдэ 100 пала выльёсыз висись адямиос шараясько. Тужгес но трос соос Москва, Самара, Иркутск, Свердловск улосъёсын, Санкт-Петербургын. Нош Удмуртиын та вакытэ 4 сюрслэсь трос ВИЧ-инфекция паласькем мурт шараямын. Вань соос котькуд ёросын. Онерчиос верало, висисьёс шараямъёсызлэсь 5-6 поллы тросгес. Угось тросэз уг вазиськыло больницаосы. Черламзы сярысь асьсэос но уг тодо.

1–3-ти толсур 1992 ар

Сыктывкарын ортчиз быдэс дуннеысь финн-угор калыкъёслэн нырысети конгрессы. Финн-угор калыкъёслэн нырысети конгрессазы портэм юанъёсты эскеризы. Калыкъёслэн валтись ужпумъёссыя Декларация кутэмын. Ужкагазын верамын: таче конгрессъёсы пыриськыны быгато выжы калыкъёс, соос огкылысь ужаны кулэ калыкез утён вылысь, гажаны кулэ мукет калыкъёслэсь сям-йылолъёссэс, кутэм катъёссэс. Озьы ик, нырысети конгрессэ люкаськемъёс вераськизы финн-угор калыкъёслэсь кенешон комитетсэс (Консультативный комитет) кылдытон пумысен. Та комитет чакланы кулэ улосъёслэсь, калыккуспо огазеяськонъёслэсь кусыпъёссэс, йоскалык огазеяськонъёслэсь ужан амалъёссэс. Кенешон комитетлэн штаб-квартираез Хельсинкие интыяськемын. Конгресс ортче ньыль арлы одиг пол. Нырысетияз пумиськонэ пыриськизы 14 портэм выжы калыкъёс, нош кыкетияз – 19. Берпуметиез – 5-тиез конгресс – радъямын вал 2008-ти арын Ханты-Мансийскын.

Толсур 1997 ар

кылдиз «Эктон корка» студи. Кичолтисез но кивалтисез – Андрей Прокопьев. Студия кылдытэмын вал Ижкарысь удмуртъёсты огазе шулдыръяськыны люкан вылысь, калык фольклорез паськытгес волдыны. Жытъёсы пумиськыса, эктонъёс радъязы. Нош туннэ та студия шаерамы гинэ овол, кунгож сьорын но тодмо. Артистъёслэн репертуарзы узыр – соос сцена вылын быдэсъяло лымшор, уйпал, кам сьор, бигер но Киров улосъёсысь удмуртъёслэсь кырзан-эктонъёссэс, портэм обрядъёсты возьмато. Бордазы быгатись егитъёсты кыско. 2001-ти арын студие ветлисьёс басьтиськизы вашкала удмурт крезьгур инструментъёсты улзытон борды, соосын шудыны кутскизы. Быдэстэм кубызъёссэс табере ужазы куто мукет ансамбльёс но. «Эктон корка» студи арлы быдэ сямен пыриське Финляндиын, Эстониын, Венгриын ортчись калыккуспо фестивальёсы, озьы ик потало Европаысь мукет шаеръёсы. Али студиысь егитъёс репетиоссэс Эшъяськон юртын ортчыто. Берло дыре эктыны дышетскыны мылкыд карисьёс понна нимысьтыз жытъёс радъяло.


2-ти толсур 2007 ар – Игра ёросын кылдытэмын егитъёслэн парламентсы – со луиз элькунын нырысетиез

 

2-ти толсур 2009 ар – «Шунды» огазеяськонлэн правлениеныз кивалтыны быръемын Юлия Никитина 

 

4-ти толсур 2009 ар – Пермь карысь «Хромая лошадь» нимо уй клубын потэм тылпу 100-лэсь трос адямилэсь улонзэс уретиз

 

5-ти толсур 2008 ар – К. Герд нимо гимназиын «Удмурт сюй мунё» книгалэн презентациез ортчиз. Авторъёсыз – Анатолий Степанов но Вера Степанова


 

6-ти толсур – вордскем нуналзэ пусъе «Эктон корка» студиын кырзась Вера Степанова (1984)

 

7-ти толсур 2008 ар – удмурт пиослэн но нылъёслэн командаоссы тодон-валанъёссэс эскеризы Yumshan Promo -ен радъям «Мадиськон ӝытын». 

 

7-ти толсур – вордскем нуналзэ пусъе удмурт эстрадаысь егит кизили Анастасия Чушъялова

 

7-ти толсур 1994 ар – юнматэмын Удмурт Республикалэн туала Конституциез. Отын удмурт кыл зученыз чош нырысьсэ ялэмын кун кылэн.

 

10-ти толсур 2008 ар – Россиысь кунгож ужъёсъя министерстовын ортчиз Удмуртилэн презентациез. Шаерысьтымы онерчиос Москваын улисьёсты тодматизы шаерамы азинскись оръёсын

 

11-ти толсур 1994 ар – Россилэн азьмуртэз Борис Ельцин Чечняын кылдэм югдурез эскеронъя указ гожтиз. Со бордысен ик кутскиз ож.

 

12-ти толсур 2008 ар – Ижкарын ортчиз вань удмуртъёслэн 11-ти отчамзы. Люкаськемъёс «Удмурт кенеш» огазеяськонлы торое бырйизы Кун Думаысь депутатэз – Николай Мусалимовез.

 

12-ти толсур – Росси Конституцилэн нуналыз.

 

12-ти толсур 1997 ар – эстрада кырзанъёсты быдэсъясь егитъёс полын ортчиз нырысетиез «Жужась кизилиос» чошатскон.

 

13-ти толсур 2008 ар – Пичи Пурга ёросысь «Арганчи» ансамбль вуылиз Свердловск улосэ, «Урал кенеш» огазеяськонэнлэн ёзчиосыз дорын кунояз.

 

15-ти толсур – Эшъяськон юртын усьтиськиз Удмуртиын улись калыкъёслэн 2-ти конгрессы

 

17-ти толсур 2008 ар – Юмшан Промо огазеяськон радъяз Выль арлы сизем «Шильтыр-шальтыр party» жыт

 

19-ти толсур 2008 ар – егит кылбурчи Людмила Чернова Пичи Пурга ёросысь вордскем Гожня гуртаз улисьёсты нырысети книгаеныз тодматиз. Сое поттыны быгатиз Д. Приговлы сизем лыдзонъёсын басьтэм «Ошмес» нимо премилы луыса.  

 

25-ти толсур 1998 ар – кылзисьёс нырысьсэ тодматскизы «Птица Тылобурдо» группалэн творчествоеныз. Кырзасьёс пыриськизы Дмитрий Маныловлэн Ымусьтонлы сизем концертаз.

 

 

31-ти толсур 1999 ар – Россилэн нырысети азьмуртэз Борис Ельцин ивортиз ас интызэ Владимир Путинлы сётон сярысь. 

 

 

 



Комментарии

 Имя
 E-mail
Сообщение:

Отправить 
1
Перепечкин   25/12/11 11:44:34
24 декабря 2011 начала свою работу Новогодняя Печка от сети перепечных Перепечкин. этот день можно считать днем рождения Перепечкина.