Вход


Здесь должна быть Ваша реклама!
Пишите нам: promo@yumshan.ru

RealMusic.ru - Музыкальный хостинг. Размещайте слушайте и скачивайте музыку в mp3 бесплатно.

RealMusic.ru - Музыкальный хостинг. Размещайте слушайте и скачивайте музыку в mp3 бесплатно.

Пользовательского поиска

Rambler's Top100
Тунсыко



Календарь. . КОНЬЫВУОН (ОКТЯБРЬ)

Ваша оценка:
01 Октября •    

КОНЬЫВУОН (ОКТЯБРЬ)


31-ти коньывуон – Хеллоуин.

Вашкала кельт праздник туала улонын но паськыт волмемын. Сое пусъё шунды пуксён палась шаеръёсын (озьы ик Эстониын, Латвиын, Литваын), Скандинавии кунъёсын. Та нуналэ шулдыръясько Америкаен кусып возись шаеръёс но: Япони, Лымшор Корея, Сингапур, Австрали но Новой Зеланди, Океание пыриськись улосъёс.

Семён Семёнов, Ижкарысь егит ужбергатись: – Кельтъёслэсь праздниксэз трос калыкъёс пусъё. Удмуртъёс но палэнэ уг кылё. Мон студент дыръя, ми оломар но малпаськом вал: вуж дэремъёсмес но простыняосмес вандылиськом, кошкемыт диськутъёс пормытиськом. Куке ваньмыз колыны дасясько ини, поръяны кутскиськом вал общежитиямы. Вот отын серем вал ини милемлы, нош тодисьтэмъёс – куалекто, собере, изьыны выдонзэс вунэтыса, милемын чош маскаръяськыны кутско вал. Эшшо вуж диськутъёслэсь дасяллямы аспортэмлыко мунёос. Одно ик тыршоно ымнырзэс кошкемыт карыны. Собере мунёосмес пеймыт сэрегъёсы пуктиськом вал. Нош тужгес но кышкыт кузьымъёс душе пырисьёслы дасяськом вал. Учке али, номыр но тодисьтэм нылаш мынэ душе, усьтэ оссэ – отын адями кылле! Кесяськемзэ кыло этажын улисьёс. Вот студент дыръямы сыче кышкыт амалъёсын пусйиськом вал Хеллоуин праздникез.

23-26-ти коньывуон 2009 ар –

финн-угор егитъёслэн нырысети мер но экономикая калыккуспо форумзы ортчиз. Азьветлисьёс люкаськизы Пермь улосысь Кудымкаре. Павел Баженов, «Вордскем кыл» журналлэн валтись редакторезлэн воштисез: 23-26-ти октябре Кудымкарын ортчиз финн-угор егитъёслэн нырысети социально-экономической форумзы. Ужрадэ пыриськисьёс тодматизы проектъёсынызы, кудъёссэ асьсэ шаеразы улонэ пычатыны туртто. Ассэ яркыт возьматыны быгатиз Удмуртиысь делегация: "Шунды" огазеяськон (О. Угланова, Ю. Никитина, Е. Коротаева) тодматиз "Шундыкар", "Егит семья", "Вожодыр" лагеръесыныз; Р. Романов гуртын улись егитъёслы интернетэ пырон сюресъёс пумысен проектсэ вераз; Д. Корнилов "Udmurt People" клублэн удмурт кылын мультфильмъёсты но вакчи фильмъёсты лэсьтон сярысь вераз, нош мон шаерысьтымы школаосын дышетскись пиналъёсын чош "Удмуртиысь гуртъёс" интернет-энциклопедия лэсьтон сярысь мади. Форум финн-угор егитъёслэсь улоназы выльзэ но тунсыкозэ кылдытон бордын мылысь-кыдысь тыршемзэс адзытиз, азинскон оръёссэ возьматиз.

2-ти коньывуон 2008 ар –

егитъёс тодматскизы «Silent Woo Goore» нимо выль группаен. Удмурт крезьгур дуннеын кылем арын кылдиз выль группа – Silent Woo Goore, яке вакчияк вераса – «SWG». Егит учкисьёсты со нимыныз гинэ (“сайлент” кыл, англи кылысь берыктыса, шыпыт шуэмез возьматэ) ас бордаз оз кыскы. «SWG»-ослэн аспортэмлыко шудэмзы-кырзамзы соку ик лякиськиз туала егитъёслэн сюлэмъёсазы. Ма, таиз валамон но: соосты угось попсаен (портэм арлыдъем адямиослы чаклам малпаськытисьтэм кырзанъёсын) уд гочаты – егитъёслэн котькинлэсь но котьмалэсь эрико луэмзы, пушказы пуромись мылкыдзэс кыре оръямзы потэ. Та ласянь номырин воштонтэм луэ рок. Чапак таче шомо удмурт кырзанъёс кылдытон борды басьтиськиз «Silent Woo Goore». Удмурт крезьгур дуннеын со выль усьтон кадь луиз. Пусйыны кулэ: «SWG» группае пырисьёс – ваньзы удмуртъёс. Светлана Ручкина – кырзась, Анатолий Галиханов но Владимир Жуйков бас-гитараен шудо, Григорий Степанов барабан «жуге». Та группалэн тужгес но тодмо кырзанъёсыз: «Эмезе, эмезе», «Кызьы меда лыктиды», «Сирота ныллэн кырзанэз». Соос быдэстэмын инди-рок шомын… (Никитина Е. "Эмезе, эмезе", яке кыче со удмурт инди-рок // Удмурт дунне. № 132 (24477). 8-ти куарусён 2009 ар).


1 коньывуон - А. Ушаковлэн Вордскем нуналэз

3-ти коньывуон 1994 ар – Удмуртиын кылдытэмын йоскалык политикая министерство

3-ти коньывуон 2009 ар – «Мынам Удмуртие» радиоын мечак эфирын нырысетизэ чузъяськиз «Эктоника» проект.

6-ти коньывуон 2004 ар – культурая «Дэмен» огазеяськон пуктэт кутиз: удмуртлыкез азинтонын тужгес но мыло-кыдо тыршисьёслэсь ужъёссэс Трофим Борисов нимо премиен пусъёно

10-ти коньывуон 1909 арСарапулын усьтиськиз шаертодонъя музей, нырысетиез Удмуртиын.

11-ти коньывуон 1851 ар – Кез ёросысь Полом черкогуртын вордскиз нырысети удмурт писатель, тодосчи, дышетись, югдытись Г.Верещагин (1851-1930).

11-19-ти коньывуон 2009 ар – Брангуртысь песянайёс вуылизы Эстоние, выжы калыкъёслэн нуналъёссылы сизем ужрадъёсы пыриськизы

14-ти коньывуон 1939 аркылдиз Удмуртиысь суредасьёслэн огазеяськонзы

15-ти коньывуон 1898 ар- Эгра ёросысь Зура черкогуртын усьтиськиз дунтэм библиотека.

16-25-ти коньывуон 1998 ар – нырысети этнографияя фестивальлэн «Эрумаа» («Земля любви») нимо ужрадэз ортчиз.

17-21-ти коньывуон 1997 ар – пор шаерын лулчебертъя «Удмуртия – Марий Эл: национальная культура и молодежь» акции ортчиз. Ужрадэ пыриськизы «Шунды» огазеяськонысь егитъёс, артистъёс, журналистъёс

19-ти коньывуон 2009 ар – йоскалык библиотекаын ортчиз выль поттэм удмурт-зуч кыллюкамлэн презентациез. Та словарь 1983-ти арын поттэмезлэн ватсаса дасям 2-ти изданиез

20-23-ти коньывуон 2008 ар – удмурт кун университетын Россиысь выли дышетсконниосысь хоръёслэн «Гаудеамус» нимо 5-тиез фестивальзы ортчиз. 

21-ти конывуон 1991 ар – финн- угор калыкъёс пусйыны кутскизы выжы калыкъёслэсь нуналъёссэс. Ортчыто котькуд ар коньывуон толэзьлэн куинети арняяз

23-ти коньывуон 1964 арнырысьсэ возьматэмын удмурт легендаосъя «Чипчирган» опера-балет, крезьгурзэ кылдытиз Г.Корепанов-Камский, либреттозэ гожтиз В.Садовников

22-ти коньывуон 1912 ар – Сарапулын усьтиськиз дышетисьёсты дасянъя колледж

22 коньывуон 2001 ар – Кун кивалтэт Г.Корепанов-Камский нимо стипендии тупатиз. Арлы быдэ культурая но искусствоосъя шор ёзо дышетсконниосысь но нылпи искусствоосъя школаысь  2 тужгес но тыршисьёсызлы сёто

22-ти коньывуон 2009 ар – Авиатор клубын 80-90-ти  аръёслы сизем «Камали. Тодэ ваён  party» ортчиз. Валтись куно – Любовь Быкова

23-ти коньывуон – вордскем нуналзэ пусъе «Удмурт дунне» газетэ егитъёс сярысь гожъясь журналист Елена Никитина (1980)

27 коньвуон 1907 ар - Вотка завод бордын усьтиськиз училище, али - машина лэсьтон техникум

27-ти коньывуон 2008 арнырысьсэ Ижкарысь уй клубын - Fashion club- ын этно- футуризм удысъя ужась дизайнеръёслэн «Великолепная мунё» нимо возьматонзы ортчиз. Отчы пыриськизы Полина Булдакова, Вера Кузнецова но мукет егитъёс.  

28-ти октябрь 2006 ар– Ижкарысь Краев нимо ульчаын усьтэмын пельняньлы памятник. Авторез – Алексей Шкляев.

28-ти коньывуон 2008 ар – егит кылбурчиос Ольга Тронина ("Кытын мынам ошмесэ?")  но Эрина Чачабей («Го:го:рсин») студентъёсты тодматизы нырысети кылбур бичетэнызы.

29-ти коньывуон – вордскем нуналзэ пусъе «Эктон корка» студиен кивалтись Андрей Прокопьев (1972)

29-ти коньывуон 1994 ар – чагыр экранэ потиз «Алангасарлэн вужерез» нырысетиез буёло кино. Кылдытэмын удмурт калыклэн легендаосыз вылэ пыкиськыса. Дасямын Шаркан ёросын 

29-ти октября 2009 ар – Кун Кенешын кылдытэм Егитъёслэн парламентсылэн нырысети сессиез ортчиз

31-ти коньывуон 2008 ар – Башкириын улись удмурт нылъёс полын нырысьсэ ортчиз «Чеберина» чошатскон.

 



Комментарии

 Имя
 E-mail
Сообщение:

Отправить 
1
Удмурт Дунне   06/10/10 22:36:26
1-тћ октябре
Степанова Надежда Андреевна - «Удмурт кенеш» огазеяськонлэн исполкомезлэн ёзчиез, Удмурт нылкышно кенешлэн кивалтћсез, Ижысь Эшъяськон юртысь дышетонъя но методикая отделэн кивалтћсь.
Баймиев Ханиф Муллаевич - Башкортостанысь калык культурая центрлэн советэзлэн ёзчиез, удмурт движение мыло-кыдо пыриськись. Башкортостанысь Татышлы ёросысь Выль Балтач гурт.


3-тћ октябре
Васильев Кузьма Гаврилович - Татарстанысь удмуртъёслэн калык культурая автономизылэн кивалтћсез. Казань.

4-тћ октябре
Крестьянинов Михаил Арсентьевич - «Удмурт кенеш» огазеяськонлэн Грак ёросысь правлениезлэн ёзчиез, «Родина» СПК-лэн кивалтћсез.

8-тћ октябре
Перевозчикова Алевтина Николаевна - «Удмурт кенеш» огазеяськонлэн Вотка ёросысь ёзэзлэн правлениезлэн ёзчиез, Кукуи гуртысь нылпи садлэн директорезлэн воштћсез.

9-тћ октябре
Лопатина Надежда Серафимовна - Удмурт культурая «Дэмен» огазеяськонлэн правлениезлэн ёзчиез, «Њечбур!» газетлэн редакторез.

10-тћ октябре
Хайдарова Надежда Васильевна - «Вордскем кыл» журналлэн отделэзлэн редакторез.

14-тћ октябре
Тубылова Федосья Михайловна - «Удмурт кенеш» огазеяськонлэн Пичи Пурга ёросысь ёзэзлэн правлениезлэн ёзчиез, «Зарни шеп» ансамблен кивалтћсь.

15-тћ октябре
Насибуллин Риф Шакрисламович - Удмурт кун университетысь математика лингвистикая лабораторилэн кивалтћсез, филология наукаосъя доктор, профессор.

19-тћ октябре
Васиуллин Александр Галиахметович - «Удмурт кенеш» огазеяськонлэн Башкортостанысь ёзэзлэн правлениезлэн ёзчиез, Янаул ёросысь «Победа» СПК-лэн кивалтћсез.
Салимова Надежда Васильевна - «Удмурт кенеш» огазеяськонысь бухгалтер.

20-тћ октябре
Загребин Леонид Дмитриевич - удмурт калык движение мыло-кыдо пыриськись адями, Ижысь техникая кун университетысь физикая кафедраен кивалтћсь, физика-математика наукаосъя доктор.

25-тћ октябре
Миронова Нина Михайловна - «Удмурт кенеш» огазеяськонлэн Алнаш ёросысь ёзэзлэн правлениезлэн ёзчиез, Асан муниципал кылдытэтлэн йырыз.

26-тћ октябре
Поторочина Ольга Вениаминовна - «Удмурт кенеш» огазеяськонлэн Красногорск ёросысь ёзэзлэн правлениезлэн ёзчиез, Удмурт нылкышно кенешлэн ёрос ёзэныз кивалтћсь, «Победа» газетысь корреспондент.

27-тћ октябре
Никитина Галина Аркадьевна - «Удмурт кенеш» огазеяськонлэн исполкомезлэн ёзчиез, Историяя, кылъя но литературая Удмурт институтлэн директорезлэн воштћсез, история наукаосъя доктор, профессор.

28-тћ октябре
Поткина Алевтина Ивановна - «Удмурт кенеш» огазеяськонлэн Пичи кенешезлэн ёзчиез, Удмурт театрын ужась.
2
«Мынам Удмуртие» радио.   04/10/10 18:10:44
Туннэ, 04 октября 2010, вордскемез дырысен 80 ар тырме Михаил Покчи-Петровлы

29 ар чоже гинэ улытозяз со бадзым пытьы кельтиз удмурт поэзиын но удмурт театрын.
Михаил Покчи-Петров вордскиз Можга ёросысь Бадзым Сибы гуртын. Йылпумъяз Москваысь Луначарский нимо театральной институтэз. 1956-ти арысен удмурт театрын режиссер луиз. 3 ар чоже ужатозяз 12 спектакль пуктиз.Сценаен но кылбур гожъяськонэн пинал дырысеныз ик юн герзаськемын вал. 28 арес дыръяз Покчи-Петровез Совето Союзысь писательёслэн огазеяськоназы кутизы. Поэзие «Тодматскон» но «Малпаськон» нимо кылбур бичетъёсын пыриз. Актёрлы но режиссёрлы Михаил Покчи-Петровлы сизьыса, удмурт йоскалык театрын туспуктэмъёсын адзытон усьтэмын.