Вход


Здесь должна быть Ваша реклама!
Пишите нам: promo@yumshan.ru

RealMusic.ru - Музыкальный хостинг. Размещайте слушайте и скачивайте музыку в mp3 бесплатно.

RealMusic.ru - Музыкальный хостинг. Размещайте слушайте и скачивайте музыку в mp3 бесплатно.

Пользовательского поиска

Rambler's Top100
Тунсыко



Календарь. . ИНВОЖО (ИЮНЬ)

Ваша оценка:
01 Июня •    

ИНВОЖО (ИЮНЬ)


21-ти инвожо – скейтбордлэн калыккуспо нуналыз

Нырысети скейтборд кылдытэмын вал Америкаын 1958-ти арын. Соку пормытэмъёсыз трослы висъяськизы туала модельёслэсь. Азьвыл егитъёс шонер доскаез кутизы, нош борысь Ричард Стивенсон малпаз доскалы быж лэсьтыны но сое вылэ жутыны. Туннэ скейтбординг егитъёслэн одигез яратоно спортсы. Go Skateboarding Day – таче отён улсын пусъё та нуналэз Россиысь егитъёс. 2006-ти арын скейтбордлэсь нуналзэ пусйизы кунысь 13 каръёс – Москва, Санкт-Петербург, Архангельск, Казань, Киров, Краснодар, Новороссийск, Новосибирск, Омск, Пермь, Сыктывкар, Чебоксары но Самара. Нош 2007 арын та лыдпус 19-озь вуиз. Арысь аре Россиысь скейтбордэн вырисьёс возазы трос но трос эшъёс люкало. Котькуд карын 21-ти инвожое чошатсконъёс ортчо, егитъёс быгатонлыкъёссэс возьмато.

 

Инвожо 1990 ар - кылдиз МАФУН (Молодёжная ассоциация финно-угорских народов) - финн-угор егитъёслэн калыккуспо огазеяськонзы.

Удмуртъёслэн нимынызы отчы пыре "Шунды". МАФУН-лэн ёзчиосыз луо ог 40 пала огазеяськонъёс. Соос дуннелэн портэм сэрегъёсаз ужало - Россиын, Финляндиын, Венгриын, Эстониын, Швециын, Норвегиын. Финн- угор калыкъёслэсь анай кылзэс но лулчеберетсэс азинтон, соос сярысь иворъёс волдон, егитъёслы тодон- валан басьтыны юрттон - МАФУН азьын сылись валтись ужпумъёс. Ассоциация люкиське координационной центръёслы - финн, венгр, зуч, удмурт. 2009-ти арын кылдытэмын Россиысь финн- угор егитъёслэн ассоциацизы. Кивалтисе быръемын Татьяна Ишматова, штаб-квартираез интыяськемын Ижкаре.

14-ти инвожо 1992 ар – шаерамы нырысьсэ ортчиз Элькун Гербер.

Вашкала дырысен кылдэм Гербер праздникмес 1992 арын пормытизы вань удмуртъёсты огазеясь праздниклы. Озьы нырысьсэ Алнаш музъем вылысь Кузёбае кыстиськизы быдэс Элькунысьтымы но, палэнысьтыз но удмуртъёс, финн-угор дуннеысь куноос. Жужыт гурезь йылысь вашкала керемет вось соку нырысьсэ, дыр, туж тросэн чош адзиз Ватка но Калмез выжы удмуртъёсты. Одиг семья кадь соос восяськизы, Инмарлэсь зеч улон куризы. Собере ог-огенызы тодматскизы, шулдыръяськизы.

Борысь аръёсы Гербер праздникъёс ортчылизы Кияса, Можга, Шаркан, Завьял ёросъёсын. Котькудиз огазеяз трос калыкез, зэмос праздниклы пормылиз. Чебереныз но зеч радъяменыз тросэзлэн сюлмазы кылиз, луоз, Кияса ёросын ортчемез. Куазь чидантэм пось ке но, калык туж трос люкаськиз. Вань лыктэмъёс удмурт дэремъёсын, чыртывесьёсын. Но полысьтызы тужгес но висъясько Кияса ёросысь удмурт нылкышноос: лемлет дэремъёсын, юг тодьы пужъятэм айшетъёсын ваче кутиськыса, кырзаса радэн-радэн мыно. Жингрес куаразы кыдёке чузъяське, асьсэос но выль кенъёс кадь адзисько. Собере калык вуиз бусы дуре, восяськемез учкыны. Вашкала дырысен кылдэм вань радзэ чакласа восяськизы, луоз, та палась тодьы дисен дисяськем зэмос восясьёс: малпамтэ шорысь чылк-чылк инбаме пилем люкаськиз но зорыны кутскиз. Посен жокатэм калык нырысь паймиз, собере мускыт омырлы шумпотиз. (Романова Г. Гербер шулдыръяськонъёс // Инвожо. № 1–2. 1999)


3-ти инвожо 2009 ар – Ижкарысь Авиатор уй клубын ортчиз «Эктоника» дискотека. Радъясез – Yumshan Promo

5-ти инвожо 1999 ар – Россилэн футболъя сборной командаез вормиз дунне чемпионъёсты – Франциысь футболистъёсты. Россиын улисьёс одиг нунал гинэ оз пусъе та вормонэз. Одигез спортъя газет чектиз та нуналэз Росси футболлэн нуналэныз ялыны.

5-ти инвожо 1977 ар – вузкаронниосы потиз нырысетиез профессиональной компьютер (Apple II). Бадзым дуныз шоры учкытэк, 2 миллионлэсь трос адямиос мылкыд каризы сое басьтыны.

7-ти инвожо 2005 ар – удмуртъёслэн «Дэмен» огазеяськонзы кутиз пуктэт: азьмынись дышетскисьёслэсь ужъёссэс Герман Ходырев нимо премиен пусъёно

9 инвожо 2005 ар – Дэбес ёросысь депутатъёслэн кенешсы юнматиз пуктэт: ёросын вордскем тужгес но тыршыса ужасьёслы Г.М.Корепанов-Камский нимо преми сётоно. Та премиен пусъемын ни Г.Опарина, П.Поздеев, В.Нураихметов, Г.Образцова но мукетъёс.

9-ти инвожо 2006 ар- Ижкарысь удмуртъёслэн шулдыръяськон интыязы– Кызьпу арамаын– усьтэмын кечлы памятник. Авторъёсыз –Александр Суворов, Дмитрий Постников.

11-ти инвожо – вордскем нуналзэ пусъе «Шунды» огазеяськонлэн кенешезлэн тороез, йоскалык политикая министрлэн воштисез Татьяна Ишматова (1980)

12-13-ти инвожо 2009 ар – Дэри ёросысь «Тодьы юсь» ансамбль пыриськиз Карелиын ортчем «Выжы калыкен куноян» калыккуспо фестивале

13-ти инвожо – вордскем нуналзэ пусъе удмурт эстрадаысь кырзась Александр Катков (1980)

13-ти инвожо 1934 ар – кылдиз Удмуртиысь писательёслэн огазеяськонзы. Нырысети тороез Кедра Митрей вал.

14-ти инвожо 1992 ар –шаерамы нырысьсэ ортчиз Элькун Гербер. Быдэс Удмуртиысь калык люкаськиз Алнаш ёросысь Кузёбай гуртэ. Шулдыръяськонэз радъясьёс куноослы возьматизы Ю восьлэсь ортчемзэ

17-ти инвожо 2008 ар – кылдытэмын финн-угор калыкъёслэн Uralistica мерлыко сетьсы.

18-21-ти инвожо 2003 ар – Ижкарын ортчиз этнофутуризмъя «Пельнянь» фестиваль. Кичолтисез – Юрий Лобанов

18-26-ти инвожо 2008 ар – кырзанъя но эктонъя «Айкай» театр вуылиз Томск улосысь удмуртъёс доры, отын ортчизы калык лулчеберетлы сизем нуналъёс

19-ти инвожо 1829 ар –Вотка заводын усьтиськиз шаерысьтымы нырысетиез музей.

19-21-ти инвожо 2009 ар –Удмуртиын ортчиз 4-тиез калыккуспо «Воршуд» фестиваль. Ужрадэ пыриськизы шаерысьтымы, Комиысь, Татарстанысь, Москваысь но мукет улосъёсысь фольклорен тунсыкъяськись егитъёс.

20-ти инвожо 1998 ар – Кияса ёросын ортчиз удмурт егитъёслэн «Мервось» фольклор праздниксы. Пыриськизы лымшор ёросъёс. Егитъёс возьматизы удмуртъёслэсь тулыс но гужем праздникъёссэс.

21-ти инвожо 2009 ар –Элькун Гербер ортчиз Дэри ёросысь Вуж Мартьяны гуртын

22-ти инвожо 1984 ар – «Чипчирган» ансамбле ветлисьёс вуылизы Венгриын радъям егитъёслэн калыккуспо лагеразы

25-28-ти инвожо 1998 ар – Ижкарысь Егитъёслэн юртазы ортчиз творчество удысын ужась егитъёслэн «Этнофутуризм – 98» нимо ужрадзы

25-ти инвожо 2009 ар – улонысь кошкиз поп-крезьгурлэн эксэез – Майкл Джексон

26-ти инвожо 1918 ар – Елабугаын ортчиз удмуртъёслэн нырысети Росси отчамзы.

27-ти инвожо 2003 ар – Удмурт кун университет дорын усьтизы А.С.Пушкинлы памятник. Табере со студентъёслэн одигез яратоно шутэтскон интызы

28-ти инвожо 1998 ар – Ижкарын усьтиськиз этнографияя нырысетиез фестиваль. «Егит гондыр веме» («Дом молодого медведя») ужрад ортчиз. Кичолтисез – суредась Юрий Лобанов

29 инвожо – 6 посьтолэзь 2000 ар – элькунын радъямын нырысетиез «Лагерь дружбы» калыккуспо смена. Соку кылдытэмын портэм выжы калык егитъёслэн «Вместе» огазеяськонзы

30-ти инвожо 1936 ар – Ижын усьтиськиз «Динамо» стадион.



Комментарии

 Имя
 E-mail
Сообщение:

Отправить 

Сообщений еще нет.