Вход


Здесь должна быть Ваша реклама!
Пишите нам: promo@yumshan.ru

RealMusic.ru - Музыкальный хостинг. Размещайте слушайте и скачивайте музыку в mp3 бесплатно.

RealMusic.ru - Музыкальный хостинг. Размещайте слушайте и скачивайте музыку в mp3 бесплатно.

Пользовательского поиска

Rambler's Top100
Тунсыко



Календарь. . КУАРТОЛЭЗЬ (МАЙ)

Ваша оценка:
01 Мая •    

КУАРТОЛЭЗЬ (МАЙ)


9-ти куартолэзь 

Вормон нунал.

Увеличить
Увеличить
Быдзым ожын Вормонлы 65 ар тырмон юбилейлы сизьыса, 2009 арын шаерамы поттэмын «Воинская слава Удмуртии» книга. Авторез – Россиысь писательёслэн огазеяськонзылэн ёзчиез, Удмуртиысь сиё-дано журналист – Николай Кузнецов. Нырысьсэ калык быгатэ тодматскыны сюрслэсь трос оже пыриськем улосчиосмылэн, шаерамы вуылэм ожгарчиослэн лэсьтэм ужъёсынызы, подвигъёсынызы. Соос сярысь верало архивъёсысь шедьтэм ужкагазъёс. Книгае котькуд ожгарчилэн туспуктэмез пыртэмын, вакчияк возьматэмын солэн улэм но ужам сюресэз. Озьы ик, басьтэм наградаоссы сярысь верамын. Шаерамы вордскем но оже пыремъёс полысь 104-лы Совето Союзысь Герой ним сётэмын, Ленин нимо орденэн 38-эз пусъемын, Суворов нимо орден 10 адямилы сётэмын, Александр Невский нимо орден – 104-лы. «Берпумети 5 ар куспын Россиысь обороная Министерстволэн Подольске интыяськем архивезлэн фондысьтыз наградаосъя 2000-лэсь трос ужкагазъёс шедьтэмын. Соос герзаськемын асьме дорын вордскем ожгарчиосын,– гожтэ Н. Кузнецов книгалэн азькылаз. – Та книга ожгарчиослэсь нимзэс пыраклы улзытыны кулэ, мед шаерамы улисьёс тодазы возёзы соослэсь лэсьтэм подвигъёссэс. Адзем мед карозы соослэсь»

24-ти куартолэзь 1956 ар

Швейцариысь Лугано городын ортчиз нырысетиез «Евровидение» конкурс.

Отчы пыриськиз 7 кунъёсысь 14 кырзась. Швейцариысь Лис Ассия нырысети интые потиз. Пумен ужрад паськытаз, тодмо луиз, пыриськыны мылкыд карисьёслэн лыдзы будиз. Венгрия Евровидение нырысьсэ пыриськиз 1994 арын. Соку ик Фредерика Баер 4-ти инты басьтиз. Нош Финляндия Евровидение конкурсэ нырысьсэ 1961-ти арын пыриськиз. Арлы быдэ портэм мугъёсъя чошатсконэ вуылыны оз быгаты. 2006-ти арозь финнъёслэн нюръяськемзы емышъёс оз сётэ. Югдурез воштиз Lordi рок-группалэн Грециын ортчем Евровидение ветлэмез. Со аре та группа понна тужгес но трос куара сётэмын вал. Та дырозь поп амалэн кырзасьёсты гинэ пусъё вал конкурсын, нош соку рок амалэз но лыдэ басьтизы. 2005-ти арын Teräsbetoni группа но паймытиз кылзисьёсты финн кырзанэн, но нырысети интые оз поты. Пусйыны кулэ созэ но – нырысьсэ Евровидение мечак эфирын возьматэмын вал 1960 арын. Та ужез бергатиз Финляндия. Эстониысь кырзасьёслы тужгес но удалтиз 2001 арын. Соку Евровидениын нырысети инты басьтизы Танель Падар но Дэйв Бентон. Соос чошен потизы сцена вылэ. Нош 2002 арын Эстониысь Sahléne кырзась 3-ти интые потиз. 

 

 

 

 

 

 

 

 

 

 

  6-ти куартолэзь 1958 ар Воткаын усьтиськиз П.Чайковскийлы сизеем нырысетиез крезьгуро фестиваль. Та сярысь кичолтонэн потиз СССР-ысь министръёслэн кенешсы

 

6-ти куартолэзь – вордскем нуналзэ пусъе удмурт рэп гожъясь но быдэсъясь Павол (Павел Шибанов)

 

12-14 куартолэзь 2005 ар –Удмуртиын ортчиз «Новая Песня Древней Земли. Этно-pro-движение» юмшан- фестиваль. Шаерамы лыктэмъёс калык лулчеберетэн тодматскыны вуылизы Кияса ёросысь Карамас- Пельга гуртэ

 

12-16-ти куартолэзе 2005 ар – Ижкарын ортчизы финн- угор студентъёслэн XXI-тиез калыккуспо конференцизы (IFUSCO),  финн- угор егитъёслэн ассоциацизылэн VII-ти конгрессы.

 

13-ти куартолэзь 1964 арИжын чузъяськиз нырысети удмурт симфония, авторезГ.Корепанов

 

14-ти куартолэзь 1998 арудмурт егитъёслэн «Шунды» огазеяськонзы кун регистраци ортчиз.

 

15 куартолэзь 1992 ар – кылдиз Россиысь финн- угор калыкъёслэн ассоциацизы.

 

15-ти куартолэзь 2008 арУдмурт кун филармонилэн юртаз «Малпан» группалэн нырысети сольной концертэз радъямын вал. Лыктэмъёс тодмо зуч но кунгож кырзанъёсты удмурт кылын кылзизы.


19-ти куартолэзь 1909 арУдмуртиын (Сарапулысь клубын) нырысьсэ возьматизы кино. 

 

20-24-ти куартолэзь 2002 ар – «Шунды» огазеяськон удмурт егитъёс понна радъяз нырысетизэ улосвыл INTERNET-семинар

 

23-26-ти куартолэзь 2002 ар – Ижкарын радъямын этнофутуризмъя «ИДНА» фестиваль. Вуизы Финляндиысь, Эстониысь, Карелиысь, Мордовиысь, Хант-Манси автоном округысь но мукет улосъёсысь егит суредасьёс, туспуктисьёс, кылбурчиос, кырзасьёс, тодосчиос

 

24-ти куартолэзь 2006 ар – кылбурчи но журналист – Зинаида Рябинина – удмурт филологи факультетын дышетскисьёсты тодматиз «Синмаськем толъёс» нимо кылбур бичетэныз.

 

24-ти куартолэзь 2009 арУдмурт театрын ортчиз Кумышкалэн но Клаудиялэн «Артысь артэ» ужрадзы. Учкисьёс тодматскизы на Дарали Лелилэн соку гинэ потэм «Гур сьорысь суредъёс» нимо книгаеныз.

 

 25-ти куартолэзь 2000 ар – этнографияя нырысети фестивальлэн «Мушому» («Земля пчёл») нимо ужрадэз усьтиськиз. Со кыстиськиз 10- инвожоозь (радъясез – суредась Юрий Лобанов)

 

25-ти куартолэзь 2003 ар – Токиоын ортчем мультипликациосъя «Лапута» фестивальын Юрий Норштейнлэн «Ёжик в тумане» мультфильмез тужгес но устоеныз ялэмын. Таче малпанэ вуизы портэм шаеръёсысь 140 онерчиос.

 

27-28-ти куартолэзь 2009 ар – Брангуртысь песянайёс пыриськизы Людмила Зыкиналэн юбилеезлы сизем концертэ

 

28-ти куартолэзь 2009  ар – Анастасия Чушъялова пыриськиз Москваысь Красной Площадьын ортчем концертэ. 

 

29-ти куартолэзь 2002 ар – «Мисс Вселенная» чошатсконын нырысьсэ вормисе потиз Россия – бриллиантъёслэсь коронаез сётизы Оксана Фёдоровалы

 

29-ти куартолэзь 2008 ар – Авиатор клубын егитъёс тодматскизы Паволлэн но «Нылок» группалэн рэп амалэн быдэстэм кырзанъёсынызы

 



Комментарии

 Имя
 E-mail
Сообщение:

Отправить 

Сообщений еще нет.