1-ти толшор – Выль ар.

Портэм шаеръёсын улисьёс портэм сямен пумитало Выль арез: 
– Англиын улисьёс котырзэс чеберъяло кызэн но омела будослэн вайёсыныз;
– Выль ар вуэмлэсь азьло Италиын вуж диськутъёссэс, арбериоссэс кушто, нош Ымусьтон дыръя нимысьтыз дасям писэз жуато;
– Франциысь Тол Бабай – Пер Ноэль – нылпиослэн пыдкутчаназы кельтэ кузьым. Кинлы сьцд кцжы шеде, сое кцжы эксэй шуо но вань косэмъёссэ быдэсъяло;
– Швециын улись нылпиос Выль ар азьын быръё эксэй ныл, солы Люция ним сёто. Эксэй нылэз тцдьы дэремен дисяло, йыраз жуась сюсьтылъёсын корона дасяло. Люция кузьымъёс вае нылпиослы, уг вунэты коркан улись пойшуръёс сярысь но: кочышлы сётэ йолвыл, пунылы – ческыт лы;
– шулдыр пумитало Выль арез Болгариын улисьёс. Дасям жцк сьцры люкаськемзы бере, вань коркаосын 3 минутлы тылэз кысо – та дырез «Выль арез пумитаса чупаськон минутъёс» шуо;
– Кубаын улисьёс ведраоссэс, тазъёссэс, кувшинъёссэс вуэн тырмыто. Уин укнооссэс усьто но – вань вузэс кисьто. Озьы келяло вуж арез. Уйшоре котькудиз тырше 12 виноград сиыны – озьы, пе, адями быдэс ар тупаса, шудо улоз;
– Мексикаын Выль арез пумитаны пќртэм пумо тылъёс дасяло, фейерверк. Нош нылпиослы уйшоре сёто пыжем пряник-мунё.

Хельсинки карын кылдытэмын М. А. Кастрен нимо огазеяськон.
Огазеяськон азе валтись ужпум пуктэмын вал: юрттоно кылзэс, лулчеберетсэс азинтыны финн, Европалэн шунды пуксён палысьтыз калыкъёслы, Сибирьысь уральской группае пырись кылъёсын вераськисьёслы. М. А. Кастрен нимо огазеяськон 1994-ти арысен ужа Финляндиысь дышетонъя Министерстволэсь выжы калыкъёсын кусып возёнъя программазэ улонэ пычатон бордын. Программа саклык висъя мукет шаеръёсысь ќнерчиосын пќртэм удысъёсын кусыпъёс тупатонлы. Общество пќртэм пумо ужрадъёс ортчытэ. 1991-ти арын Эспоо карын литературалы сизем Урал конференция радъязы, отчы пыриськизы удмурт гожъясьёс. Озьы ик, огазеяськон поттиз К. Гердлэсь рукописьсэ «Человек и его рождение» нимен. Юрттиз «Удмуртия» книгапоттоннилы «Финляндия толон но туннэ» (1997), Г. А. Ходыревлэсь «Кызьы меда лыктиды» (1998), «Даур куара» (1998), «Родное слово» (1999) книгаосты поттыны. М. А. Кастрен нимо огазеяськон коньдон висъямен шаерамы анай кылэз азинтонъя трос проектъёс ужало.

2-ти (14-ти) толшор 1898 ар

Малмыж уездысь (али Вавож ёрос) Покчивуко гуртын вордскиз Кузьма Павлович Чайников (Кузебай Герд), фольклор, этнографи, литература удысъёсъя тодосчи.

1-ти толшор 1992 ар